Культура

| 22.02.2017 Уладзімір Арлоў, ТБМ

Уладзімір Арлоў прадставіў «Айчыну» ў родным Полацку

Першая прэзентацыя кнігі Паўла Татарнікава і Уладзіміра Арлова «Айчына: маляўнічая гісторыя. Ад Рагнеды да Касьцюшкі» за межамі Менска адбылася ў Полацку. У ёй узяў удзел адзін з аўтараў – Уладзімір Арлоў, для якога Полацак родны горад.

Уладзімір Арлоў прадставіў «Айчыну» ў родным Полацку

Мерапрыемства праходзіла ў рэстарацыі «Раздол». Яго арганізатарамі выступілі інфармацыйна-культурніцкі цэнтр «ІніцыАрт», полацкая арганізацыя Таварыства беларускай мовы і адукацыйны праект «Жывая мова». Сустрэча з Уладзімірам Арловым – як раз і з’яўлялася першым паседжаннем «Жывой мовы». Гэтыя адукацыйныя курсы толькі сёлета ў лютым заснавалі ў Полацку.

На прэзентацыю прыйшло больш ста чалавек, на такую колькасць наведнікаў не разлічвалі арганізатары, бо памяшканне, дзе ладзілася сустрэча, невялікае, большасці палачанам, які прайшлі пабачыць і паслухаць Арлова, прыйшлося рабіць гэта стоя.

Уладзімір Арлоў падрабязна распавёў, як вялася праца над кнігай. Асабліва адзначыў малюнкі Паўла Татарнікава, якімі аздоблена выданне.

У другой палове сустрэчы Уладзіміра Арлоў адказваў на пытанні. І завершалася спатканне полацкай аўтограф-сесіяй.